جـــيـــران
نسـماتـنـا بيصيّـفو بجـرودكـن وبـتـسَرحو جَـديـاتـكن بـغابـنـا ونحلاتنا بيتغامزو عَ ورودكن وعـمـننشر عَ فرد شمس تيابنا
وعَ فـجـرنا بـتـلوحـو عنقودكن ومـعـتـقـين نـبـيـذكن بـجرارنا
وغـيـمـاتـنا فيـّو فـوق قرميدكن وياسمـيـنـتـكن عـَفـسـحة دارنا
ورغـيـفـنا منقـمّـرو عَ صاجـكن وتحـطـبو ويضحـكلـكن ريحانّا
وطـفـلـنا يطعمي العـشا لدجاكن وبنـتكـن تسقي الهـنا صيصانّـا
وبرمـوش عـينـينا نلملم دمـعكن وانـتـو تـدفـو عـيونكن بخدودنا
وزرعنا الأخضر عَ مـية نبعكن وجـدودكـن اصحابـهـم جـدودنـا
وعـمنضوّي سراجـنا من زيتكن وشقـّيقكن طالع حوالا صخورنا
وشحرورنا معشعش بطاقة بيتكن وتكتك حجلكن جاوبو شحرورنا
الخميس سبتمبر 06, 2007 1:28 pm
