كان ياماكان بقديم الزمان كانت ليلى ميشية بالغابة بنص الليل وريحة لعند
نانتا والذئب المسكين وقفا وسألا: لوين ريحة ياليلى.. ردت عليه ليلى:
وانت اش دخلك,اش عبتساوي هون بنصاص الليالي وليش عبتسالني
لوين ريحة ....؟
ولي عليك ,انشالله بتعفسك سيارة بلا نمرة وبلا شوفير يارزيل يا مبهدل
ياقليل الحيا
ماعندك اخوات كني, تفوعليك. مسكت ليلى الذئب من ادنووشلفتو سبع متار
وتابعت المسير لعند نانتا.. هون الذئب لقاها كبيرة كتير بحقو وقال لحالو:
هلىء بنت فصعونة تشرشحني هيك بفصط الغابة قدام الحيوانات الريحة
والجيي
واناالذئب ضروب واطراح !! طيب ياليلى اذا ما بفشل حنكك..
المهم راح الذئب اخد تكسي وطيران على بيت نانتا لليلى من شان
يصل قبلا.. دق الجرس قامت سالت العجوز من ورا الباب: من هادا
اللي عم يدق الباب !! جاوب الذئب : انا
ليلى افتحيلي نانا... واول مافتحتلو الباب اطلع فيا بطرف عينو
وقلا : يبلاكي
بقتلك شئدك جدبة .. لك مين ماقلك انا ليلى بتفتحيلو !!
لكان شلون بيقولو عنك
زكية وحربوئة!! وركض وراها من غرفة لغرفة من غرفة لغرفة
وهي عبتصيح وبتولول وكل ماتجي لتفتح تمايسفقا بالكف على بوزا.
وبالاخيرحصرا بزاوية الاوضة وقلا: حاج تصيحي ختيارة الجن,
واكلا.. وبنفس اللحظة فتح باب المصعد وظهرت ليلى وسمعت
ولاويل وعياط وباب السقاق مفتوح نطت نط لجوه
البيت وشافت الذئب بعد مااكل الجدة المسكينة فقلا الذئب مستهزىء:
ورجيني اش بدك تعملي هلىء.... هودرت ليلى وقد تطاير
الشرر من عينيها:اي انا اللي بورجيك ياسقاقي يالألوء... استلت
ليلى من تحت بلوزتا شنتيانة بطولها وشرحت الذئب وقطعت
اوصالو حتى خرجت نانتا من بطن الذئب... وكانت المفاجئة..
صرخت ليلى نانا !! لعمى انت مانك نانتي !!منو انت واش
عبتساوي هون!!؟؟
جاوبتا العجوز بدهشة : عرفتك مو انت ليلى بنت بنت
جارتي اللي بالطابق
الرابع!؟ اجابت ليلى متسائلة:ليش نحنا بانو طابق ؟؟ ردت العجوز:
هادا الطابق التالت بس الاصنصور متشرك(عطلان)بدل مايطلع
عالطابق الرابع بوقف بالطابق التالت.. جاوبتا ليلى معتذرة: يي
عدم المؤاخذة حجة بس ما اكون ازعجتك !!
مزبوط انا ليلى وجيي عند نانتي بس معناتا كل الحق
عالاصنصور كرمال النبي ماتواخذيني حجه.. وهلىء بنضفلك
البيت وبساويلك ياه متل الليره... وقامت ليلى بتنظيف البيت من
جثة الذئب ودماؤه ووضعتها في كيس وشلفتون من على البلكون
ثم اخذت سلتها ودخلت المصعد متوجهة لبيت نانتا
توتة خلصت الحتوتة
الأحد سبتمبر 09, 2007 6:55 pm
