مرحبا للكل
شو الأخبار ؟
أنا جايب معي كم نكتة 
الأولى :
في واحد بيدخن كتير. قالتلو مرتو : يارجال التدخين بيموتك . انت حتموت من كتر التدخين
قلها : انتي مالك علاقة
بس بعدين فكر وخاف مايموت
راح ليكب الباكيت
شلفو من البلكون بس لسوء حظو إجا الباكيت على راس واحدرجل أعمال مهم
قام سحب البودي جارد المسدس عليه وضربوا رصاصة إجت بنص راسو
الله يرحمو 
التانية :
في واحد رجع من السفر وراح على الفندق ليرتاح
ارتاح شوي وبعدين حب يتحمم
فات عالحمام بس ماكان في بالحمام منشفة
اتصل بخدمة الغرف وطلب منشفة . قالولوه يلا ثواني
استنى الزلمة نص ساعة وماوصلت المنشفة
رجع اتصل بخدمة الغرف وقالولوه يلا ثواني المنشفة على الطريق
ضل على هالحال شي ساعة ونص
نزل عالاستقبال
صار يعيط ويقول معقولة منشفة بدها ساعة ونص؟
موظف الاستقبال: مابيصير هيك ! ثواني لأتصل بخدمة الغرف
اتصل وحكا معهون وبعدين سكر التلفون
وقله للزبون : يلا شي نص ساعة وبتصل المنشفة لعندك . انت روح على غرفتك وارتاح
قام قال الزلمة : معقولة منشفة بدها ساعتين ؟
جاوب موظف الاستقبال : لأنو المنشفة عم تدور على كل زبونات الفندق وبدو نص ساعة ليصير دورك
سامحوني إذا صيغة النكتة سئيلة شوي
مستني الردود
الجمعة أكتوبر 19, 2007 3:44 pm
